هل ممكن اصدقاء النت افضل من اصدقاء الواقع

شكرا كتير عالمشاركة , ما بعرف شو بدي قلك بس انا من تجربتي لقيت انو ممكن تلاقي صداقة حقيقية عن طريق النت وممكن تتطور لصداقة قوية كتير اذا التقو عالحقيقة وبيجوز بعد اللقاء تتطور لحب
بس كل واحد عندو قناعة ولازم نحترم قناعتو

يعني تقريبا كلنا عنا رائي واحد انو ممكن صداقة النت تكون اوفى واصدق من الواقع
ويا اخت بيرلا ما بعرف قصتك غريبي شوي يعني بيجوز اول مرة او مرتين يكون في خجل وارتباك بس بعدين بالعكس لازم انو تكون العلاقة حلوي بحكم انتو انعجبتو ببعض قبل ما تلتقو هاد شي كتير لازم يكون سهل الموضوع عليكون , المهم لازم انتي تحاولي تتقربي منو اكتر وتعرفي ليش هيك عم يصير معو .
و اذا كتير مدايقك الوضع لازم تناقشيه وتساليه ليش هيك عم يتصرف يعني بيجوز فيه شي وهوي خجلان يصارحك فيه

يلا ديالا جربي وخبرينا
كاتيا معك حق يعني لي بدو يضحك عالتاني كنو بالواقع او عالنت ما رح تفرق معو بس مو كل الشباب هدفون يتسلو يعني في اكتر من طريقة تقدري تكتشفي اذا هالحب حقيقي او تسلاي ساليني الي بعد تجربي

بصراحة أنا هاد السؤال مافيني جاوبك علي لأني ما نحطيت في.....
بس بظن أنو ممكن واحد يحب على الانترنت

جميل شارك مليون مرة معك الصلاحية رائيك ورائي كل واحد هون بيهمني ولحد هلق متفقين
بس ديالا رائيك انو بس اصدقاء الواقع ممكن تتحول صداقتون لحب يعني اصدقاء النت مو معقول؟

أكيد أصدقاء الواقع ........

مممم...لا تواخذيني لأني رح شارك أنا مرة تالتة)))....مممم...من ناحية أنو يتحول لحب فأي فهادا الشي ممكن...خصوصا لما تشوفو و تتأكد أنك ما انغشيت بهادا الشخص)))....و اذا حسيتي بدون ما تشوفي أنو في شي عم يشدك لهادا الشخص مشان تحكي معو كل يوم)))

بدي كمان اراء مشان بدي فوت بالموضوع اكتر يعني ممكن تتحول الصداقة لحب مع مرور الوقت يعني بعد ما تتعرف على هالشخص منيح ويمكن تشوفو انو ممكن هالشي يتحول لحب؟

أي مزبوط))))...بس لا تنسي أنو في منون بيكونو محترفين بالكذب))))...يعني الرفيق يلي بتتعرفي عليه عالنت ما بتكتشفي منيح غير لتشوفي أقل شي مرة وحدة)))....و أنا بصراحة عندي كتير رفقات من الانترنت...و مزبوط بترتاحي معون و بتحكيلون بدون ما تخافي))))....حتى بصراحة أنا برتاح بالحكي عالانترنت أكتر من عالطبيعة))))...لأني باخود راحتي أكتر)))

مشلتك = مشكلتك

شكرااا على المرور بس يا ريت كل واحد عندو تجربة يحكيلنا الموضوع كتير بيهمني\
وجميل معك حق بس القصد انو مع الوقت اذا كان هالشخص مانو منيح الا وما يزلق شي مرة او يصير موقف يبين على حقيقتو
ومن ناحيتي انا عندي كتير رفقات من النت بلاقيون اوفى من لي بعرفون بالحقيقة والرفيق عالنت بتقدر تاخد راحتك تحكيلو مشلتك بدون ما تخاف انو ينفضح امرك

ما رح قول أنو رفقات الانترنت مو مناح!!!!...لأنو الزمن أثبت عكس هادا الشي))))....بس بحب قول أنو يلي بيحكي معك من ورا الكومبيوتر فيو ما يحكي ولا كلمة صح و يكون عم يتظحك عليكي))).....هادا كلو عائد لنفسية الانسان و شخصو)))

هادا موضوع بدو اعدة منيحة بما انو عندي تجربة كبيرة بهادا المجال

"!"!"!" هـل من الممكن أن يكون أصدقاء النت أفضـل وأوفـى من أصـدقاء الواقـع ؟ "!"!"!"


نتخبـط في هذه الدنيـا الواسعـه.... تصادفنـا الكثيـر من المواقـف

نمـر بالعديد من الظـروف .... يمر علينا آلاف بل ملايين الأصناف من الناس....

منهـم الضعيف ومنهم الكاذب ومنهم الشريف ومنهم الخائن ومنهم ومنهم ....


وبحــكم طبيعـة الإنسـان فـ هو بحاجـة إلـى صديـق

يحكي له عن همومـه ويصارحه بما يـلوج في خاطره ويشاطره السعاده والحزن ....

بالطبـع الإنسان في بداياتـه يكون قليل الخبره ولكن

مع مرور الوقت ومع تلقيه لـ صفعات الزمـن التي طغـى عليها طابع ....

الكذب والخيـانـه .... يكتسب خبراته من خلال تجاربه فيهـا ....

ولـو ركزنـا الضـوء على عالم الإنترنت....

فـ سنر أنه يعـجّ بالكثير والكثير من الناس من مختلف بقاع الأرض....

نلتقيهم إما من خلال المحادثات أو المنتديات أو الأعمال التي نجريهـا....

خلال هذه الشبكه العنكبوتيـه أو أو ....


وربمـّـا نصادف ذلك الشخص الذي نرتاح له .....

ويقاسمنا العديد من صفاتنـا المشتركـه .....

ذلك الشخص الحنون الصادق المحترم ذات الأخلاق العاليـه .....

ربمـّـا يكون فعلا هو كذلك مثلما تصورنا ....

وربمـّـا يكون " ذو وجهين "

ولكن في كل وقت وفي كل مكان .... تكون كلمه " قد يكون .... وقد يكون "

سواء في النت أو خارجـه ....


سؤالي لــكم .....


هـل من الممكن أن يكون أصدقاء النت أفضـل وأوفـى من أصـدقاء الواقـع !!


مع العلم أن الكثير من أصدقاء الواقـع طعنو أصدقاءهم

وعـالم الإنترنت مليء بالكذب والغموض ....

اتكلم اليوم .. من واقع تجربه شخصيه .... عرفت فيها معنى الصداقة حقاً ....

من عالم الانترنت ....

بيهمني رائيكون